Undanfarnar vikur hefur verið unnið markvisst að því að leggja grunninn að starfsemi Vinnumarkaðsakademíunnar.
Nú er mikilvægum áfanga náð. Formlegum skráningum félagsins hefur verið komið í rétt horf, vefurinn hefur fengið sitt fyrsta heildstæða útlit og vinnumarkadsakademian.is hefur verið opnuð almenningi.
Jafnframt hefur verið unnið að þeim innviðum sem þurfa að vera til staðar áður en þjónusta og vörur fara í sölu. Persónuverndarstefna hefur verið sett upp, verklag vegna persónuverndar og meðferðar gagna er í mótun og hafin er skráning á umferð um vefinn til að við getum fylgst með því hvernig hann er notaður og þróað hann áfram í takt við þarfir notenda.
Með þessum áfanga er grunnurinn að starfsemi Vinnumarkaðsakademíunnar kominn á sinn stað og næsta skref er að halda áfram uppbyggingu þjónustu, fræðslu og lausna fyrir íslenskan vinnumarkað.
Markmiðið er að Vinnumarkaðsakademían verði þekkingar- og þjónustumiðstöð vinnumarkaðarins.